Բնօգտագործումն ու բնապահպանությունը ՀՀ-ում

1. Ինչ առանձնահատկություններ ունեն ՀՀ բնական պայմանները, որքանով են դրանք նպաստում հանրապետության զարգացմանը:
Հայսատանը լեռնային երկիր է: Նրա միջին բարձրությունը ծովի մակերևույթից 1837 մետր է: ՀՀ տարածքի ավելի քան 80%-ը լեռնային է: ՀՀ տարածքում դաշտավայրեր չկան, ամենացածր վայրերը Մեղրու կիրճն է և Դեբետ գետի հովիտը, որոնք ծովի մակերևույթից ունեն 370-390 մ բարձրություն: Հանրապետության ամենաբարձր կետը Արագածի հյուսիսային գագաթն է՝ 4090 մ բարձրություն: Այսինքն առավելագույն ու նվազագույն կետերի միջև եղած տարբերությունը շուրջ 3700 մ է: Տիպիկ լեռնային երկիր լինելուց բացի հանրապետության մակերևույթը խիստ կտրտված է լեռնահովիտներով, գետահովիտներով ու կիրճերով:

Կլիման խիստ ցամաքային է և բնութագրվում է ամառվա ու ձմեռվա ջերմաստիճանների մեծ տատանումներով: Հանրապետության տարածքում գրանցված ամենաբարձր ջերմաստիճանը 42 աստիճան է, այն գրանցվել է Արարատյան դաշտում իսկ ամենացածրը՝ -46, որը գրանցվել է Շիրակի մարզի Պաղակն բնակավայրում: Այսինքն առավելագույն և նվազագույն ջերմաստիճանների տարբերությունը կազմում է 88 աստիճան, որը շատ մեծ թիվ է Հայաստանի փոքր տարացքի համար:

ՀՀ-ն լինելով տիպիկ լեռնային երկիր, և ունենալով խիստ ցամքային կլիմա, զուրկ է բուռն գյուղատնտեսությունից: Այսինքն այսպսի կլիմայական և ռելիեֆային պայմանները թույլ չեն տալիս զարգացնել տնտեսությունը:
2. Ի՞նչ հետևանքներ է թողում բնօգտագործումը ՀՀ-ում: Նշեք օրինակներ:
ՀՀ-ում բնօգտագործումը հիմնականում կատարվում է ոչ ռացիոնալ: Բնական օգտագործման արդյունքում խախտվում են էկոլոգիական բուրգերը, խախտվում է էկոլոգիական հավասարակաշռությունը: Օրինակ ՀՀ-ում բնօգտագործման արդյունքում ունենք սակավ անտառածածկ տարածքներ, բազմաթիվ վերացած կամ վերացող տեսակներ: ՀՀ-ի ամբողջ տարածքի ընդամենը 5-6%-ն է անտառածածկ, մինչդեռ միջին տվյալներով դա պետք է հասնի 20%-ի:
3. Ինչ առանձնահատկություններ ունեն ՀՀ բնական ռեսուրսները, որքանով են դրանք նպաստում հանրապետության զարգացմանը:
Հայաստանը լեռնային երկիր է, իսկ ընդերքը հարուստ է բազմատեսակ լեռնային ապարներով և հանածոներով: ՀՀ տարածքում կան 500 –ից ավելի հանքավայրեր, որոնք հարուստ են 60 տեսակից ավել օգտակար հանածոներով: Կա ածուխ, երկաթ, բոքսիտներ, մոլիբդեն, ոսկի, արծաթ, կապար, ցինկ: Հանդիպում են նաև պեմզայի, մարմարի, տուֆի, կրի, պեռլիտի, բազալտի, աղի պաշարներ, ինչպես նաև թանկարժեք և կիսաթանկարժեք քարեր։
ՀՀ բնական ռեսուրսները կարող էին օգտակար լինել երկրի զարգացմանը, սակայն դա այդքան էլ մեծ մաշտաբների չի հասնում, քանի, որ հանքերը մեծամասամբ պատկանում են այլ երկրներին:
4.Ի՞նչ հետևանքներ է թողում ռեսուրսների օգտգործումը ՀՀ-ում: Նշեք օրինակներ:

Ռեսուսների օգտագործումը ՀՀ-ում թողնում են միայն վատ հետևանքներ: ՀՀ-ում գործող հանքերի շահագործողները մտածում է միայն իրենց շահի մասին այլ ոչ թե շրջակա միջավայրի: Այդ ամենի օգտագործման արդյունքում առաջանում են պոչամբարներ: ՀՀ-ում պոչամբարները գտնվում են ոչ ճիշտ տեղում և բնակեցված վայրերից ոչ ճիշտ հեռավորության վրա: Այդ ամենի արդյունքով տվյալ տարածքում չի զարգանում գյուղատնտեսությունը, քանի որ ոչ մաքուր մթնոլորտում չի կարող աճել ոչ մի բույս:
5. Ձեր կարծիքով ինչպես պետք է զարգանա Հայաստանը, որպեսզի հնարավորինս քիչ վնասվի բնական միջավայրը: Ինչ ուղությամբ պետք է զարգանա տնտեսությունը, որպեսզի այն համարվի էկոլոգիապես «ավելի մաքուր»
Զարգանալու համար նախ պետք է ձգտում ունենալ, գիտակցել իրավիճակը, գնահատել դեռ չվնասվածը, չկորցրածն ու օրինակ վերցնել այն երկրներից, որոնք հետզհետե զարգանում են։