Վերահսկենք մեր շրջակա միջավայրը

1. Ինչպիսի միջավայրում ենք ապրում մենք, փորձեք ինքներդ գնահատել ձեր շրաջակա միջավայրի որակը: 

 Այսօր մեր շրջակա միջավայրը այնքան էլ մաքուր չէ: Մենք ապրում ենք այն երկրում, որտեղ ամեն երկրորդ ծառի տակ կգտնենք աղբ, որտեղ օդը կեղտոտված է, որտեղ աղմուկը շատ է եւ այլն: Հայաստանում նաեւ շատ են լքված շինությունները, պոչամբարներ եւ այլն:

2. Ինչպես է ազդում շրջակա միջավայրը ձեր առողջության վրա, եթե կան առանձնակի դրսևորումներ, ներկայացրեք կոնկրետ օրինակներով:


 Մեր շրջակա միջավայրը մեր առողջության վրա ազդում է մասամբ: Օրինակ, եթե խմելու ջուրը կամ օդը աղտոտված է լինում մարդու մոտ ի հայտ են գալիս մի շարք հիվանդություններ: Իսկ թափված աղբը ոչ միայն մարդու աչքին տհաճ է նայվում և վատ հոտ է գալիս, նաև, երբ մեծ քանակությամբ աղբը երկար ժամանակ մնում է, դրանից կարող է առաջանալ խոլերա հիվանդություն:

3. Ինչպես եք պատկերացնում շրջակա միջավայրի վերահսկողությունը, ինչպես այն դարձնել ավելի արդյունավետ: Ինչ դերն ունի հասարակական վերահսկողությունը, ինչպես մեծացնել այն:

 Մեր հասարակության վերաբերմունքից շատ բան է կախված: Հենց մեր անտարբերությունից է, որ մենք ստիպված ենք ժամանակի ընթացքում զրկվել բազում բարիքներից: Հենց մենք ենք որ կտրում ենք ծառերը ու հետո ականատես դառնում դրա հետևանքներին: Սակայն մեր հասարակության մեջ շատերը չեն խրատվում իրենց արարքներից ու շարունակում են բնությանը վնաս պատճառել, ոչնչացնելով հսկայական տարածքներ, ոսկի կամ այլ թանկարժեք մետաղների, ածխի, նավթի պաշարներ գտնելու համար: Այս բոլոր խնդիրների դեմ է դուրս եկել մեր բնակչության մի փոքր հատված, պայքարելով վնասների քչեցման ու բնության արհեստական վերականգնումով ցանկանում են փրկել երկիրը:

4. Ինչ ես անում դու, որպեսզի բարելավես շրջակա միջավայրի որակը:

 Ես իմ ընկերների հետ միասին մասնակցում եմ տարբեր նախագծերի, հավաքում եմ նետված աղբերը, տնկում ծառեր եւ այլն:

 Աղբյուրներ՝
emanuelagjoyan.blogspot.am
azatutyun.mobi