Էկոհամակարգերի հիմնախնդիրը

1. Ձեր կարծիքով որոնք են էկոհամակարգերի կարևորագույն  հատկանիշները:

Էկոհամակարգը կամ էկոլոգիական համակարգը դա բիոլոգիական համակարգ է, որը բաղկացած է կենդանի օրգանիզմների միությունից, նրանց ապրելու միջավայրից: Էկոհամակարգի կարևորագույն հատկություններն են օրգանական նյութ ստեղծելու, էներգիա կապելու  և անջատելու,  նյութերի շրջապտույտ իրականացնելու հատկությունը:

2. Ինչպիսի էկոհամակրգեր են Ձեզ շրջապատում, ինչ առանձնահատկություն ունենք նրանք:

Մեզ շրջապատում են բնական եւ արհեստական էկոհամակարգեր: Բնական էկոհամակարգերը բնական միջավայրերն են, որոնցում առանց մարդու միջամտության տեղի են ունենում էկոհամակարգի բաղադրիչների միջեւ փոխհարաբերությունները, իսկ արհեստական էկոհամակարգերը մարդածին միջավայրերն են: Բնական էկոհամակարգի օրինակ է լիճը, իր կենդանական եւ բուսական աշխարհով, իսկ արհեստական էկոհամակարգի օրինակ է ջերմոցը:

3. Ինչպես է ազդում մարդը Ձեզ շրջապատող էկոհամակարգերի կենսագործունեություն վրա:


Մարդու տնտեսական գործունեության հետեւանքով ստեղծվում են էկոհամակարգեր՝ ագրոէկոհամակարգեր: Ագրոէկոհամակարգերի օրինակ կարող են ծառայել ջերմոցները, խոշոր անասնապահական համալիրները, մարգագետինները եւ այլն: Ագրոէկոհամակարգերը մարդկանց շնորհիվ կարող են փոփոխվել, սակայն երբեմն այդ գործնթացների պատճառով խաղտվում են էկոհամակարգերի տարբեր գործնթացներ, օրինակ՝ հողառաջացում, բնական շրջապտույտ եւ այլն:

4. Ինչ տեղի կունենա էկոհամակարգերի հետ, եթե պակասի Էներգիայի, ֆոսֆորի, ածխածնի ու ազոտի հոսքը:

Կյանքի ընթացքի համար կարևոր նախապայման է էներգիայի և նյութերի անընդհատ կատարվող շրջապտույտը: Էներգիան հոսքի ընթացքում պակասում է և ի վերջո սպառվում, այդ իսկ պատճառով հարկավոր է կրկին էներգիա ստանալ: Եթե էներգիան չունենա հոսք, ապա էկոհամակարգերը կվերանան:

Ածխածինը զբաղեցնում շատ մեծ զանգված, այն առկա է գրեթե բոլոր նյութերում: Այն լուծվող վիճակում առկա է նաև գետերում, լճերում այստեղից կարող ենք եզրակացնել, որ առանց ածխածնի հնարավոր չէ, քանի որ ածխածնի բացակայության դեպքում չէին լինի կենդանի օրգանիզմներ, իսկ առանց կենդանի օրգանիզմների չենք ունենա էկոհամակարգեր:

Ինչպես գիտենք բույսերը կուտակում են ֆոսֆոր, ապա մատակարարում մարդկանց ու կենդանիներին: Այսինքն, եթե չլինի ֆոսֆոր բույսերը այն չեն կուտակի և ոչինիչ չեն ունենա մարդկանց և կենդանիներին մատակարարելու համար հետևաբար կխախտվի ամբողջ էկոհամակարգը:

Առաջին կարգի սնուցիչների մեջ, ազոտը ամենակարևորն է, քանի որ անհրաժեշտ է սպիտակուցների կազմելու համար, որոնք օգտագործվում են բոլոր կենդանի հյուսվածքներում։ Երկրի մթնոլորտի 78%-ը կազմված է ազոտից, սակայն բույսերից որոշները չեն կարող ազոտն ուղղակի օդից ստանալ։ Հողի ազոտի 98%-ը ևս այլ բույսերի և այլ օրգանական նյութերի նեխումից է, որն ուղղակիորեն չի կարող օգտագործվել կենդանի բույսերի կողմից:

Աղբյուրներ՝
emanuelagjoyan.blogspot.am
tert.am
ecolur.org